Ministru ksolok no agradese tebes tamba ohin loron ne’e, Centro Convenções de Dili (CCD) konsege lanxa nia website rasik.

Ne’e marka progresu ida tan iha utilizasaun teknolojia komunikasaun hodi fasilita ka apoia CCD hanesan servidor estadu no povu Timor-Leste nian atu bele implementa nia funsaun ka knar atendenmentu públiku ho di’ak liu.
Mundu ohin loron tama ona iha era dijitalizasaun, ne’ebé fasilita tebes komunikasaun ida mais rápidu no poupa mós ema nia tempu no rekursu sira seluk.
Prosesu kriasaun CCD nia website ida ne’e ho apoia teknika hosi Ajénsia Telekomunikasaun Informatika – Timor-Leste (TIC – TL), ne’ebé durante ne’e asina ona Mou no Akordu Nivel Tékniku ruma ho MTCI kona-ba uzu kobe toolbox hanesan meiu dijital ida hodi rekolla dadu, no sei apoiu ba instalasaun baze de dadu.
Ho progresu sira ne’e, Ministru hakarak expesa nia gratidaun ba TIC – TL, no espera ita nia kooperasaun serbisu ne’e kontinua sai forte liu tan, hodi bele serví estadu no povu ida ne’e ho di’ak liu.
CCD tuir Pontu 1 iha Artigu 6 Dekretu-Lei N0. 5/2013 iha supervizaun Ministeriu Turizmu nian bazeia ba regulamentu ruma, ne’ebé aprovadu tuir Despaxu Ministerial N0. 27/GMTACI/IX/2010, 29 de Outubro. Artigu 10 hosi Despaxu ne’e kolia kona-ba regras aplika ba utilizador ka p’ubliku sira, no Artigu 11 hosi Despaxu Ministerial ne’e klia kona-ba obrigasaun administativa Ministeriu nian atravez de CCD.
Objetivu hosi kriasaun website ida ne’e, katak públiku bele komprende prosesu aplikasaun no nia regulamentu sira mak fo sai online, no mos bele halo aplikasaun online hodi poupa surat tahan no transporte. Espera katak katak meiu ida ne’e sei fasilita duni atinjimentu objetivu sira ne’e.